Ärdoğan Vengriyägä kitä

İlbaşı Räcäp Tayyip Ärdoğan 8nçe-9nçı oktyabr’dä räsmi säfär belän Vengriyägä bula. Anı älege ilneñ däwlät başlığı Yanoş Ader çaqırdı.  

İlbaşınıñ matbuğat üzägennän belderülärençä, Ärdoğan anda parlament räise Laslo Köver häm prem’yer-ministr Viktor Orban belän dä oçraşaçaq.

Älege oçraşular waqıtında säyäsi, xärbi, iminlek, saqlanu sänäğate, iqtisad, säwdä, mädäniyät häm sośial’ tarmaqlarda ikeyaqlı xezmättäşlek qaralaçaq.  

Monnan tış, Törkiyä - Awrupa Berlege mönäsäbätläre, qanunsız migraśiyä häm terrorçılıq belän köräş mäs’älälrenä dä urın bireläçäk. Bu säfär strategik xezmättäşlek qısalarında här alanda ike däwlät arasında berdäm êşçänlekne alğa taba üsterü öçen iñ yuğarı däräcädäge tırışlıqlarnıñ kürsätkeçe.

Ärdoğan xökümäte räise Viktor Orban belän berlektä Budapeşttağı Gül Baba törbäseneñ räsmi açılışın tormışqa aşıraçaq. Monnan tış biznes-forumda qatnaşuı häm Galiśiyä şähitlär qaberlegen zıyarät itüe dä kötelä.