İlbaşı Ärdoğan BMO Ğomum şurasında
İlbaşı Räcäp Tayyip Ärdoğan Berläşkän Millätlär Oyışmasınıñ struktural qorılışına qağılışlı tänqitläwlären (tänqıyt’läwlären) äğ’za il liderlarına turıdan-turı yünältte
Berläşkän Millätlär Oyışmasınıñ Amerika Quşma Ştatlarınıñ N’yu-York qalasında cıyılğan 73nçe ğomum şurağa (general’ assambleyağa) möräcäğät’ itüçe Ärdoğan tağın ber qat: “Dön’ya biştän zurraq”, - diyep, vöcdannarnıñ tawışı buldı.
"BMO İminlek şurası - veto xoquqına iyä 5 äğzaneñ mänfäğatlärenä xezmät itüçe, yäşängän zolımnarğa tamaşaçı bulıp qalğan qorılışqa äwerelde”, - dip äytüçe Ärdoğan çığışında Yaqın Könçığış säyäsäten tänqitläwçe AQŞ citäkçelegen dä maqsat itep alıp: "Fälästinnärgä yasalğan zolımğa tawışların çığarmawçılarnıñ, alarğa kürsätelgän yärdämnärne qısu ğayrätläre – barı tik zalimnarnıñ qıyulığın arttıra”, - dip belderde.
Ärdoğan Amerika Quşma Ştatların “PKK” separatist terror oyışması belän bäyle bularaq: "Taktik mänfağät’läre öçen (Süriyädäge) terrorçılarnı un meñnärçä yök maşinası, meñnärçä yök oçqıçı qoral belän cihazlandıruçılar kiläçäktä monıñ açısın motlaq räweştä çigäçäklär”, - dip kisätte.
Törkiyä Däwlät başlığı “Fätullahçı” (FETÖ/PDY) terror oyışması/parallel däwlät qorılışı atamanın üz cirlärendä saqlawçı Amerika Quşma Ştatlarına: "“FETÖ”nıñ Amerikanıñ 27 ştatında barı tik çarter mäktäplär aradaşçılığı belän däwlät byudjetınnan ber yılda alğan aqça 763 million dollar”, - dip kisätte.
