İlbaşı Germaniyağa säfär yasıy

Törkiyä ilbaşı Räcäp Tayyip Ärdoğan 27 – 29 nçı sentyabr’ könnärendä Germaniyağa säfär yasayaçaq.

İlbaşı idaräseneñ matbuğat üzäge beldergänçä, Ärdoğan Germaniya ilbaşı Frank-Val’ter Ştaynmayer häm kanśler Angela Merkel belän küreşäçäk.

Oçraşularda Törkiyä belän Germaniya arasında säyäsät, iq’tisad ,iminlek, saqlanu,mädäniyat häm sośial’ tarmaqlarda xezmättäşlek ,Germaniyada yäşäwçe törek cämğiyäte belän bäyle mäs’älälär qaralaçaq.  

Süriyä krizisı, regional’ häm global’ täräqqiyät’lär , terrorçılıq häm qanunsız küçenügä qarşı köräştä xezmättäşlek, Törkiyä – Awrupa Berlege mönäsäbätläre häm ike il kön tärtibendä urın alğan urtaq mäs’älälär dä çittä qalmayaçaq.

Ärdoğan säfär qısasında ictimaği oyışmalar räsmi zatları häm alman firmaları citäkçeläre belän dä küreşäçäk.

Törkiyä ilbaşınıñ törek cämğiyäte belän küreşüe küzdä totıla.

Germaniyada yäşäwçe 3 million yarım törek ike il arasında duslıq küpere barlıqqa kiterä.