İlbaşı AQŞqa kitä
Ul BMOnıñ 73 nçe ğomumi assambleyası utırışlarında qatnaşaçaq
Törkiyä ilbaşı Räcäp Tayyip Ärdoğan bügen-23 nçe sentyabr’dä Amerika Quşma Ştatlarına kitä.
Ul Berläşkän Millätlär Oyışmasınıñ 73 nçe ğomumi assambleyası utırışlarında qatnaşaçaq häm 23-27 nçe sentyabr’ könnärendä AQŞta bulaçaq.
Ärdoğan ğomumi assambleya cıyılışınnan êlek 24 nçe sentyabr’dä qaçaqlar belän bäyle çarada qatnaşıp Törkiyäneñ süriyäle sıyınuçılarğa qarata başqarğan êşlären añlataçaq, dönyağa “Törkiyägä yaqlaw kürsätegez” yullamasın yasayaçaq.
Törkiyä ilbaşınıñ New - Yorkta BMO ğomum särqätibe Antonio Guterres belän dä küreşep söyläşüe kötelä.
Ğomum särqätipkä häm söyläşülär ütkäräçäk başqa liderlarğa Soçida imzalanğan İdlib kileşüen añlataçaq.
Törkiyä AQŞnıñ “PKK” separatist terror oyışmasınıñ Süriyädäge törkeme”PYD/YPG”gä qoral birüennän tınıçsız.
İlbaşı Ärdoğan bu mäs’äläne dä liderlarğa citkeräçäk.
Törkiyä ilbaşı New-Yorkta investiśiya häm êş dairäläre belän dä küreşäçäk ,Törkiyägä kapital salırğa çaqıraçaq.
Ärdoğan AQŞtağı oçraşuların tämamlağannan soñ Germaniya başqalası Berlinğa kitäçäk.