Yaponiya prinśessası Anıtkabirgä bardı

Törkiyägä räsmi säfär belän kilgän Yaponiya prinśessası Akiko Mikasa, Änkaradağı çaraları qısalarında, Atatörk mavzoleye urın alğan Anıtkabirgä bardı. Ul mavzoleyğa çäçäklär saldı häm Maxsus däftärne imzaladı. Prinśessa Akiko şunnan soñ Törek -yapon mädäniyät üzägenä kitte. Ul ätise prinś Takaxikonıñ cämğıyät’ baqçasına 1993nçe yılda utırtqan ağaçı yanına üzäkneñ tözelüenä 20 yıl tulu uñayınnan istälek ağaçı utırttı.   

Prinşessa Törkiyägä “Prinś Mikasa cämğıyäte”neñ Sabancı universitetı Sakıp Sabancı muzeyenda uzaçaq çaralarda qatnaşu öçen kilde. Ul, şulay uq, Törek-Yapon cämğıyäteneñ direktorlar şurası häm uquçıları belän dä oçraştı.

Cämğıyät’ne zıyarät itkännän soñ prinşessa Akiko Mikaso Qırşähärgä barıp Yaponiya Anadolu arxeologiyä institutında tikşerenülär ütkäräçäk.

Prinśessa Törkiyägä kiçä kilde. Anı İstanbulda ilbaşı Räcäp Tayyip Ärdoğan da qabul itte. Monnan tış Yaponiya qunağı Törkiyä Böyek Millät Maclese räise Binali Yıldırım belän dä oçraşaçaq. Anıñ säfäre 14nçe sentyabr’gä qadär däwam itä.