İdlibkä yärdäm itü äzerlege

Süriyäneñ İdlib töbägenä yanawçı rejim höcümnärenä xäyriyä oyışmaları da äzerlänä başladı. Bäşir cämğıyäte cirlektä tuarğa mömkin gumanitar krizis öçen xäzerlekle xäldä buluların belderde. Alar Räyxanlı häm Kilistäge köngä 200 meñ ikmäk çığaruçı fabrikaların häm, şulay uq, Kilistä häm Cerablustağı 30 meñ keşelek qaynar rizıq xäzerläwçe aş yortların migrantlarnı qarşılarğa äzerläp quyğan.   

Bäşir cämğıyäte mödire Fatix Sarıyar: “Süriyädä däwam itüçe gumanitar krizis bezne tirän borçuğa sala. Suğışnıñ täwge yıllarınnan başlap süriyäle qardäşlärebezgä yärdämne däwam itteräbez. Bez töbäktä bulırğa mömkin migraśiyä xäräkäte belän imin urınnarğa sıyınuçılar öçen kiräkle töp gumanitar yärdämnärne yasarğa äzer,”-dip söyläde.

Cämğıyät’ İdlibtäge lager’larğa här könne 30 meñ ikmäk häm ixtıyac qadär azıq-tölek, kiyem-salım, odeal, su, yağulıq yärdäme iltä.

BMO xisaplarına qarağanda, İdlib operaśiyäse näticäsendä tağın 3,5 million keşe möhacir bulırğa mömkin.