İdliblelärneñ Törkiyägä möräcäğate

Süriyäneñ İdlib töbägendä yäşäwçelär Törkiyägä möräcäğat’ itep, iminleklären täêmin itü häm küçenü dulqınnarın buldırmıy qalu öçen yärdämğä çaqırdı. Andağı xalıq xäzer Äsäd rejimı häm yärdämçeläreneñ höcümen borçu belän kötälär. Şul uq waqıtta alar Törkiyägä ışanıç belän qarıy. Ğadi keşelär Anadolu agentlığı belän äñgämädä bombalaw başlanu belän Törkiyägä küçenäçäklären belderä. İdlible Ammar Siteyf: “Bu kritik çorda ruslarnıñ hawa höcümnären härkem kürde. Töbäkneñ xakimiyäteneñ Törkiyägä küçüen telibez. Törkiyäneñ bu töbäktä xärbi köçkä iyä buluın telibez,”-dide.

İdlib kiyerenkelekne kimetü töbägendä “utnı tuqtatu”nı küzätü wazıyfasın başqaruçı Törkiyä Qorallı köçläreneñ 12 küzläw noqtası bar. Andağı xalıq bu noqtalarnıñ artuın teli. Çönki töreklär bulmağan rayonnarnı rejim daimi räweştä bombalıy.  

Dimäşqtan rejim häm yärdämçeläreneñ höcümnärennän qaçıp İdlibkä sıyınğan Xälit Meri dä rejimnıñ şähärgä operaśiyäseneñ keşelek faciğasenä yul açacağın belderä.

Xumustan qaçıp idlibkä kilgän Rıdvan Xumsi dä Awrupa illärenä qadär barıp citäçäk migraśiyä dulqını bulacağın farazlıy. “Törkiyägä ışanabız. Alar bezneñ ömetebez. İnqıylab başlanğannan birle Törkiyäneñ maqtawğa layıq torışı bar ,”-dip söyläde ul.