Djeyms Djefri Törkiyägä kilä

Amerika Quşma Ştatlarınıñ Süriyä maxsus wäkile, ilçe Djeyms Djefri Törkiyägä kiläçäk. Ul, şulay uq, İzrail häm Yordaniyada da oçraşular ütkärä. Säfär 1nçe - 4nçe sentyabr’ arasında bulaçaq.

Djefrinı bu räsmi säyäxätendä AQŞ däwlät särqatibe urınbasarı Djoêl Raybern (Джоэл Райберн) ozatıp yöri.

İlçeneñ İzraildäge çığanaqları beldergänçä, andağı oçraşularda Süriyädäge soñğı wäzğıyät’, İzrailneñ iminlege häm İrannıñ totrıqsızlıqqa iltüçe adımnarı turında fiker alışular bulaçaq.  Anıñ, şulay uq, Süriyä rejimı tarafınnan yasalaçaq İdlib operaśiyäsenä qarşı AQŞ säyäsäten añlatuı kötelä. Amerikalı wäkillär, Äsäd rejimı ximik höcümnär yasasa, süzsez qalmayaçaqların beldergän ide inde.  

Djeyms Djefri, Yordaniya häm Törkiyägä säfärläre qısalarında, İdlibtäge xärbi operaśiyäneñ Süriyädä genä tügel, Yaqın Könçığışta tulayım qiyerenkelekne arttıracağı häm ğadi xalıqnıñ tormışın qurqınıç astına quyaçağına basım yasayaçaq.  

Djeyms Djefri êlek AQŞnıñ Änkaradağı ilçese ide. 17nçe avgustta ul ant birep yaña - Süriyä maxsus wäkile wazıyfasına kereşte.