"Yanaw bulmasqa tiyeş"

Törkiyӓneñ tışqı êşlӓr ministrı Mӓwlüt Çavuşoğlu Amerika Quşma Ştatları belӓn mönӓsӓbӓtlӓrgӓ tuqtalıp: “Monnan soñ yanawnı qaldırırğa kirӓk. Kovboy filmendӓge kebek “min telӓgӓnemne yasarmın” dip ӓytsӓlӓr, cawap qaytarılır,” – dide.

Çavuşoğlu rӓsmi sӓfӓr yasağan Litvada xezmӓttӓşe Linas Linkeviçius belӓn matbuğat oçraşuı oyıştırdı.

AQŞ wӓkillegeneñ ike il arasındağı problemalarnı qarar öçen Törkiyӓdӓge söylӓşülӓrenӓ bӓyӓ birgӓn törek ministrı tübӓndӓgeçӓ citkerde: “Kongress ӓğzalӓreneñ Törkiyӓgӓ kilüe möhim. Mönӓsӓbӓtlӓrneñ nığuı öçen êşçӓnlek başqaruçı kongress ӓğzalӓre bar. bar nӓrsӓgӓ qaramastan dialog bik möhim. Monnan soñ mönӓsӓbӓtlӓrne süterü öçen yanawnı qaldırırğa kirӓk. Törkiyӓneñ aşığıç rӓweştӓ hawa saqlanu sistemalarına ixtıyacı bar. Başta AQŞ belӓn qayber illӓrdӓn soradıq. Bu illӓr bezgӓ sata almadı yӓisӓ satarğa telӓmӓde. Xӓzerge waqıtta qızğanıç Törkiyӓneñ aşığıç ixtıyacın qanӓğatlӓnderӓ aluçı berlektӓşebez yuq.”

Törkiyӓneñ Rusiyӓ belӓn uñay mönӓsӓbӓtlӓrenӓ dӓ tuqtalğan Çavuşoğlu: “Rusiyӓ belӓn mönӓsӓbӓtlӓrebez Awrupa Berlege yӓisӓ AQŞqa al’ternativa tügel. Törkiyӓneñ tışqı sӓyӓsӓte tigez,” – dide.