Ğadättän tış xäl tögällände

Fätxullaxçı terrorçı oyışmasınıñ 2016nçı yılnıñ 15nçe iyülendä tüntäreleş yasaw omtılışınnan soñ, 2016nçı yılnıñ 21nçe iyülendä iğ’lan itelgän häm 3 ay aralıqlar belän 7 tapqır ozaytılğan Ğadättän tış xäl ütkän töndä säğat’ näq’ 1dä tögällände.  

Bu çorda barı tik FETÖ tügel, PKK, DEAŞ şikelle terrorçı oyışmalarına qarşı da näticäle köräş alıp barıldı. Älege köräş qısalarında, Törkiyä Böyek Millät Mäclesendä ütkän söyläşülär näticäsendä, Ğadättän tış xäl 2016nçı yılnıñ 19nçı oktyabrendä, 2017nçe yılnıñ 19 ğıynvarında, 2017nçe yılnıñ 18nçı aprelendä, 2017nçe yılnıñ 19nçı iyülendä, 2017nçe yılnıñ 19nçı oktyabrendä, 2018nçe yılnıñ 19 ğıynvarında häm soñğı tapqır 2018nçe yılnıñ 19nçı aprelendä ozaytıldı.  

Töp qanunda belderelgänçä, Ğadättän tış xäl iğ’lan itelgän waqıt betkänçegä qadär yañadan ozaytu turında räsmi xat parlamentqa cibärelmäsä, ul üzennän-üze betä.

Şuña kürä, 2016nçı yılnıñ 21nçe iyülendä pänceşämbe kön säğat’ tönge 1dä iğ’lan itelgän Ğadättän tış xäl bu tön tamamlandı.