Törkiyä hawadan saqlanunı nığıta

Törkiyä hawadan saqlanu ixtıyacına cawap birü maqsatınnan küp taraflı êşçänlek alıp bara. 

Törkiyäneñ Hawa häm raketa saqlanu yul kartası qısalarında ildäge mömkinleklärne faydalanu öçen proyıktlar tözelä. Alarnı ğamälgä aşıruda törek firmaları başlap yöriyäçäk. Kiräk bulsa, çit il şirkätläre dä êşkä çaqırılırğa mömkin. İxtiyac bulğanda, alardan texnik yärdäm alu küzdä totıla.  

Monıñ belän bergä, täcribä êşläre tögällängän proyıktlarnıñ ğamälgä aşırıluında yärdämçe tarmaqlar, keçe häm urta êşmäkärlek zur rol’ uynayaçaq. Xäzer küpläp çığaru prośessın planlaştıru bara. Bu maqsat belän ASELSAN häm ROKETSAN şikelle saqlanu sänäğate oyışmalarınıñ mömkinlekläre häm sälätlärenä tayanıp, investiśiyälärne qabatlawdan taypılalar häm çit illär belän köndäşlek itü säläten arttıralar.     

Hawa saqlanuda iñ möhim strategik maqsatlarnıñ berse – ildäge mömkinleklärne faydalanıp Törkiyäne hawadan saqlawğa yärdäm itäçäk proyıktlarnı ğamälgä aşıru.

Bu strategiya yünäleşendä beşgeçlär, NATOnıñ oxşaş êşçänleklärenä qatnaşıp, hawa saqlanu sistemaların üsterü häm çığaru belän bäyle dön’yada qullanıluçı ısullarnı yaqınnan küzätä.   

Xisar proyıqtı qısalarında päyda bulğan sistemalarnıñ, ildäge häm êksport versiyälärenä taläplärne isäpkä alıp, atu säläten 40 kilometr yıraqlıqqa citkerü burıçı quyıldı.

Göktuğ proyıktı qısalarında çığarılaçaq hawa raketasın Xisar proyıktındağı cir sistemaları belän qullanu maqsat itep quyıla.

Monnan tış, Korkut proyıktı qısalarında yañartılğan sistemanıñ diñgez platforması belän yaraşuın tikşerüçe täcribälär tögällänäçäk. Şulay itep, Diñgez quätläre komandalığınıñ sistema ixtiyacı cirle çığanaqlardan täêmin iteläçäk.

Xisarda uñışlı täcribälär däwam itä

Saqlanu sänäğate idaräse citäkçelegendä ASELSAN häm ROKETSAN xezmättäşlegendä çığarılğan Xisar hawa saqlanu raketalarınıñ täcribä atışları uñışlı tormışqa aşırıldı. Tübän biyeklek (Xisar – A/15 kilometr) häm urta biyeklek (Xisar – 0/25 kilometr) hawa saqlanu raketaları sınaw ütte. Alar xärbi baza, port, ob’yekt häm ğaskärlärne hawadan yanawlardan saqlaw maqsatı belän citeşterelde häm oçqıçlar, qanatlı raketalar, keşesez hawa aparatlarına qarşı tora ala.    

“Xisar-A”nıñ 2020nçe, “Xisar-O”nıñ 2021nçe yılda xezmät itä başlawı kötelä.

Korkut diñgezdä dä saqlayaçaq

Korkut sisteması Qorı cir ğaskärläre komandalığına tapşırıla başladı. Ul xärbi köymälärne raketalardan saqlaw öçen qullanılaçaq.

Bu maqsat belän täcribä prototibı bularaq çığarılğan Korkut-D sisteması Diñgez quätläre yärdämendä öyränü köymäsenä urnaştırıldı. Sınawlar anıñ köymälärne raketalarğa qarşı saqlawda qullanırğa mömkin buluın açıqladı.

Täcribä waqıtında Korkut-D barlıq funkśiyälärne avtomat räweştä başqarıp çıqtı häm yuğarı tizlektä diñgez östennän yaqınlaşuçı maqsatnı yuq itte.

Yıraqqa atu strategiyäse

Törkiyä yıraq arağa atuçı hawa häm raketa saqlanu ixtıyacın tizdän Rusiyädän alınaçaq S-400 sisteması belän täêmin itä. Kiläçäktä Törkiyä bu qorallarnı başqa illär belän berlektä üze çığarırğa uylıy.  ASELSAN, ROKETSAN häm EUROSAM urtaqlığında SAMP-T hawa saqlşanu sistemasın üsterü öçen nigez äzerlänä. Yıraq kiläçäktä isä tulısınça cirle saqlanu sistemalarına küçü maqsat itelä.