Ärdoğan belän Tramp oçraşaçaq

Törkiyä ilbaşı Räcäp Tayyip Ärdoğan belän AQŞ däwlät başlığı Donal’d Tramp arasında oçraşu ütkärügä äzerlek başlandı. Aq Yort süzçese Sara Sanders köndälek brifingta bu xaqtağı sorawlarğa cawap birde. Ul Törkiyädä 24nçe iyün’dä uzğan saylawlardan soñ oçraşu öçen êş başlanuın belderde. “Köçle bäyläneşlärne assızıqlaw maqsatınnan ilbaşı Tramp belän Törkiyä cömhüriyäte başlığı Ärdoğan arasında ber küreşü uzdıru öçen tırışlıq quyabız,”-dide ul. Anıñ qayçan bulacağı turında mäğ’lümat birelmäde. Saylawda ciñgännän soñ Ärdoğan Angliya, Almaniya häm tağın bik küp illärneñ liderlarınnan telefonnan qotlawlar qabul itte.