Ärdoğan - Putin söyläşüe

Törkiyä ilbaşı Ärdoğan Rusiyä Federaŝiyase däwlät başlığı Vladimir Putin belän telefonda söyläşte.

İlbaşı idaräse çığanaqlarınnan alınğan mäğlümatqa kürä söyläşüdä Süriyadäge soňğı wazğıyät’ belän ber rättän ike il arasındağı iqtisadi mönäsäbätlär qaraldı.

İke lider Süriyädä säyäsi çişeleş öçen Astana mexanizmı belän täêmin itelgän qazanışlarnıň ähämiyätenä işarät itte. Barışnıň BMO qısalarında yaxşı baruı öçen rejim häm oppoziŝiyaneň qoruçı totış kürsätergä tırışuı zarurlığın beldergän ike lider Süriyäneň cir bötenlegeneň ähämiyäten dä assızıqladı.

Söyläşüdä Aqqoyı atom-töş üzäk stanŝiya proyektı belän ber rättän TürkAkım tabiği gaz ütkärgeçe proyektındağı alğarışlarnıň da qanäğat’lek tudıruı açıqlandı.

Ärdoğan häm Putin könnän-kön üsüçe ike yaqlı iqtisadi mönäsäbätlärdä cirle valyuta qullanışınıň ähämiyätenä dä işarät ittelär.