Gazzädäge yaralılar Törkiyägä kiterelä
Sälamätlek saqlaw ministrı Äxmät Dämircan Gazzädä yaralanuçılarnı Törkiyägä kiterü öçen êş başlanuın häm darularğa ixtıyac bulğan oçraqta, bu mäs’älädä dä yärdäm itäçäklären söyläde
971404
Törkiyä İzrail’ yädräläre belän yaralanuçılarnı däwalarğa äzer. Bu xaqta Sälamätlek saqlaw ministrı Äxmät Dämircan Törkiyä Böyek Millät Mäclesendä belderde.
Ul üz çığışında AQŞnıñ, xalıqara şartlarnı sanğa suqmıyça, ilçelegen Tel’-Avivdan Qudüskä küçerüenä rizasızlıq beldergän Fälästin xalqına İzrail’ tarafınnan genośid oyıştırıluın assızıqladı.
Dämircan kiçä Gazzädä yaralanuçılarnı Törkiyägä kiterü öçen êş başlanuın häm darularğa ixtıyac bulğan oçraqta, bu mäs’älädä dä yärdäm itäçäklären söyläde. “Bez härwaqıt häm här urında, bigräk tä Qızılay aradaşçılığı belän, keşelärgä xezmät itärgä äzer. Sälamätlek ministrlığı bularaq ta üzebezneñ burıçıbıznı ütärgä äzer,”-dip belderde ministr.
