Ärdoğan AQŞqa cawap birde

İlbaşı Räcäp Tayyip Ärdoğan AQŞnı, İran atom-töş kileşüenä tuğ’rı qalmawı öçen, yuğaltqan taraf bulacağın söyli. Ul SiêNêN interneşnldan (CNN International) jurnalistı Bekki Andersonnıñ sorawlarına cawap birde. Ärdoğan Trampnıñ İran belän tözelgän atom-töş kileşüennän çığu qararına mönäsäbäten belderde.

“Bu kileşü tözelmäs didek – tözelde, yıllar buyı suzılğan tiskäre küreneş – uñayğa äylände. Bu ömetlärne arttırğan ide. Monıñ ber mizgeldä kiregä kitüe barı tik töbäkne tügel, böten dön’yanı häm xalıqara iq’tisadnı yoğıntısı astına alaçaq. AQŞ monnan fayda kürer bälki, ämma küp kenä illär bu wäzğıyät’tän tınıçsız bulıp yaña çualışlarğa yul açarğa mömkin. Nigä tağın da zur krizislarğa mömkinlek birergä?”-dide.    

Bekki Andersonnıñ “AQŞ häm İran arasındağı krizis kiterep çığarırğa mömkin iñ zur xäwef närsä?” sorawına Ärdoğan: “Monda, minemçä, yuğaltuçı AQŞ bulaçaq,-dide.- İran kileşüdän taypılmayaçaq, tuğ’rı qalaçaq. Xalıqara kileşülär telägändä bozıp, telägändä yasıy torğan kileşü tügel. İmzalar quyılsa – tuğ’rı qalırğa kiräk,”-dip cawap birde.