İlbaşı Kön'yaq Koreyada

Törkiyä ilbaşı Räcäp Tayyip Ärdoğan Tön’yaq Koreya häm Kön’yaq Koreya liderları uzğan atnada ütkärgän söyläşüläreneñ qurqularnı betergän söyläşü buluın äytte.

Räsmi säfär belän kiçä Kön’yaq Koreyağa kitkän Ärdoğan xezmättäşe Moon Jae-in tarafınnan räsmi tantana belän qarşılandı.

“Zäñgär öy” bularaq belenüçe İlbaşı sarayındağı qarşı alu tantanası oyıştırılğan zalda Törkiyä ilbaşı belän Kön’yaq Koreya däwlät başlığı 1 säğat’ tiräse barğan üzara söyläşü ütkärde.

Soñınnan wäkilleklärara söyläşülär belän citäklägän ike lider matbuğat oçraşuı oyıştırdı.

İke Koreya ile arasında uzğan häm dönyadağı tınıçlıqqa citdi öleşe bulaçaq söyläşü öçen şäxese häm milläte isemennän Kön’yaq Koreya ilbaşına räxmäten beldergän Ärdoğan tübändägeçä däwam itte: “Çönki dönyadağı qurqularnı betergän söyläşü buldı. Monı näticäle ütkärüegez belän täbrik itäbez. Bu täwäkkällek monnan soñ da däwam itäçäk dip teläp qalabız.”

Törkiyä ilbaşı Kön’yaq Koreya häm Törkiyäneñ yaqınça 7,5 milliard dollarlık säwdä külämeneñ buluın, läkin monıñ citärle bulmawın assızıqlap: “Bez monıñ üsüen telibez. G-20 êçendäge ike il bularaq bu külämne kütärüläre zarur dip uylıym,” – dide.