23nçe aprel' qotlawları

23nçe aprel’ Milli möstäqıyl’lek häm Balalar bäyräme, Törkiyä Böyek Millät Mäclese tözelüneñ 98 yıllığı ilneñ här tarafında küñelle itep bilgeläp ütelä.

Başqala Änkarada räsmi çaralarnıñ berençe adresı – Anıtqaber ide. İstälekle urınnı Milli mäğarif ministrı İsmät Yılmaz balalar belän bergä zıyarät itte. Atatörkneñ mavzoleyena çäçäklär quydılar.

Törkiyä Böyek Millät Mäclesendä dä Atatörk häykäle yanında çara uzdı. Şunnan soñ räsmi zatlar Anıtqaberdäge däwlät tantanasında qatnaştı. Anda Törkiyä Böyek Millät Mäclese räise İsmail Kaxraman häm xökümät räise Binali Yıldırım, Cömhüriyät Xalıq partiyäse ğomum başlığı Kemal Qılıçdaroğlu, Millätçelek Xäräkäte partiyäse ğomum başlığı Däwlät Bahçäli urın aldı.

23nçe aprel’ qotlawları ildä köne buyı baraçaq. Säyäsätçelär kabinetlarında balalarnı qabul itäçäk. Üsep kilüçe buın ilbaşı, mäcles başlığı, xökümät räise häm ministrlarnıñ känäfiyenä utırıp qarayaçaq.

Mäclestä, şulay uq, maxsus utırış ütä. Anda ilbaşı Räcäp Tayyip Ärdoğan da tıñlawçı bularaq qatnaşa.

İlbaşı kölliyäsendä isä Törkiyä radiotelevideniye kompaniyasınıñ Xalıqara balalar bäyräme gala-programması bar.