Ärdoğan: “Törkiyägä strategik urtaqlar yanıy”

Şäxsi ber televideniye kanalında sorawlarğa cawap birüçe Ärdoğan, Törkiyä aldında torğan yanawlar häm risklar turında süz alıp barğan çaqta böten Könbatışnıñ yanaw proyekśiyası êçendä buluın belderde.

Könbatış illäreneñ “DEAŞ” terror oyışmasın sıltaw bularaq qullanuına basım yasawçı Ärdoğan bu illärneñ “DEAŞ” sıltawı belän “PKK/PYD-YPG” separatist terror oyışmasın yaqlap, Törkiyägä qarşı uyın kärte bularaq qullanuların añlattı.

Ärdoğan “DEAŞ”qa qarşı güyä köräş iseme astında Amerika Quşma Ştatlarınıñ Süriyäneñ tön’yağına 5 meñ yök maşinası häm 2 meñ yök oçqıçı belän qoral cibärüen häm töbäktä AQŞnıñ 20gä yaqın bazası buluın äytte.

Törkiyä Amerika Quşma Ştatları belän NATOda berlektäş buluına qaramastan Törkiyäneñ AQŞtan qoral ala almawına iğ’tibarnı yünältüçe Ärdoğan: "Ämma şuşı terror oyışmasına Amerika Quşma Ştatları, koaliśiya köçläre buşlay qoral birä ala. Dimäk, yanaw qaydan kilä? Strategik urtaqlardan kilä”, - dip assızıqladı.

Amerika Quşma Ştatlarınıñ êlekke İlbaşı Barak Obamağa bergä terrorçılıq belän köräşergä täq’dim itülären belderüçe Ärdoğan fäqät Amerika Quşma Ştatlarınıñ gel iğ’tibarnı çitkä yünältü taktikasın başqaruın, axır çiktä Törkiyäneñ dä terrorçılıq belän köräşne üzeneñ başqarırğa mäcbür buluın äytte.

Ärdoğan Afrin belän bergä Süriyäneñ qayber tön’yaq töbäklären terrorçılardan çistartuların belderde.

Êşneñ älegä betmäwen, teläkläreneñ afrinlelärneñ öylärenä urnaşuı buluın belderüçe Ärdoğan: "Cärablus häm tiräsendä andağı keşelärneñ niçek kilep urnaşqanı kebek şuşındıy uq şatlıqnı Afrin xalqına da yäşätergä telibez. Bezdä lagerlarda bulğannar kire qayta başladı. Bezdä 3 million yarım Süriyäle bar. Bolar arasında “Färat qalqanı” xäräkäte ütkärelgän töbäk keşeläre bulğanı kebek Afrin, İdlib, Xäleb keşeläre dä bar”, - dip äytte.

Ärdoğan, Süriyädä çişeleş êzlänüendä Jeneva cıyılışlarınnan näticä çıqmawın belderep, näticägä yünälgän êşçänlekne Törkiyä, Rusiyä häm İran bergä alıp baraçağın assızıqlap äytep uzdı.