Saylaw täq’dime parlamentta qabul itelde

24nçe iyün’dä ilbaşı häm xalıq ışanıçlısı waqıtınnan êlek saylaw ütkärelüenä qağılışlı täq’dim Törkiyä Böyek Millät Mäclese ğomum şurasında qabul itelde.

“Ğadälät häm qalqınu” (AK) partiyası belän “Millätçe xäräkät” (MHP) partiyasınıñ täq’dime 386 tawış belän qabul itelde.

“AK” partiya häm “MHP”neñ urtaq saylaw täq’dime atnakiçen parlamentnıñ töp qanun komissiyasında qabul itelgän ide.

“AK” partiyanıñ İstanbul xalıq ışanıçlısı Mustafa Şäntop räislegendä cıyılğan komissiyada saylaw täq’dimen qarap çığu yaqınça säğät däwam itkän ide.

Komissiya utırışı däwam itkän çaqta zaldan çığıp kitkän “Xalıqlarnıñ demokratik partiyası” äğzaläre täq’dimneñ tawışqa quyıluında da qatnaşmağan bulsa, täq’dim “AK” partiya, “Cömhüriyät xalıq” (CHP) partiyası häm “Millätçe xäräkät” (MHP) partiyası tarafınnan bertawıştan qabul itelgän ide.