Ärdoğan Qıtay däwlät başlığı belän telefonnan söyläşte
Söyläşüdä ike yaqlı mönäsäbätlär häm regional’ mäs’älälär turında süz bardı
955137
Törkiyä ilbaşı Räcäp Tayyip Ärdoğan Qıtay däwlät başlığı Şi Cinping belän telefonnan söyläşte.
İlbaşı idaräse çığanaqları beldergänçä,söyläşüdä ike yaqlı mönäsäbätlär häm regional’ mäs’älälär turında süz bardı.
Ärdoğan Süriyädä kiyerenkelekneñ artuına forsat birmäw kiräklegenä basım yasadı.
Liderlar Törkiyä – Qıtay mönäsäbätlären här tarmaqta tağın da üsterüdäge qatğıylıqların belderde.
Ärdoğan häm Şi Cinping Süriyäneñ cir bötenlegen saqlap qalu kiräklegen ,terrorğa qarşı urtaq köräşneñ ähämiyäten dä assızıqladı.