İlbaşı Ruxani belän telefonnan söyläşte

Törkiyä ilbaşı Räcäp Tayyip Ärdoğan İran ilbaşı Xäsän Ruxani belän telefonnan söyläşte.

Söyläşüdä Süriyädäge soñğı täräqqiyät’lär häm Törkiyä – İran mönäsäbätläre turında süz bardı.

İlbaşı idaräse çığanaqları beldergänçä, Ärdoğan ximik qorallar qullanu mäs’äläsendä Törkiyäneñ totışınıñ bik anıq, bilgele buluın belderde.

İke lider Süriyäneñ cir bötenlegen saqlaw häm krizisqa daimi çişeleş tabu öçen Törkiyä, İran häm Rusiyäneñ Astana barışı qısasında urtaq tırışlıq kürsätüne däwam itterüneñ ähämiyätenä basım yasadı.

Putin häm Ruxani Törkiyä belän İran arasında iq’tisadi mönäsäbätlärneñ könnän kön nığıy baruınnan qanäğät’ buluların citkerde.