Ärdoğan Putinğa dälil cibärde

Törkiyä ilbaşı Räcäp Tayyip Ärdoğan Süriyädä ximik qoral qullanu belän bäyle videolarnı Rusiyä prezidentı Vladimir Putinğa cibärüen belderde. Bu xaqta ul İstanbulda jurnalistlarğa xäbär itte. Ärdoğan çığışında şimbä könne Duma rayonında 80 keşeneñ ülemenä säbäpçe bulğan höcüm xaqında söyläde. Ul Duma häm Könçığış Gutada töşerelgän videoyazmalarnı maxsus wäkil yärdämendä Putinğa cibärgän.

“Duma häm Könçığış Gutadağı waqıyğalar cannı yandıruçı, hälakät. Mindä alarnıñ videoyazmaları bar ide. Putinnıñ şäxsi wäkilenä dä birdem. Wäkil belän bolar xaqında söyläştek. AQŞ ilbaşı Donal’d Tramp belän dä mäs’äläne telgä aldıq”,-di Ärdoğan. Törkiyä ilbaşı ximik qoral qullanuğa qaraşınıñ nıq buluın häm bu mäs’älädä fikeren üzgärtmäyäçägen belderde.