Milli iminlek şurası cıyılışı
Cıyılışta Mänbiç xäräkäte ixtimalı da kön tärtibenä kilde
Milli iminlek şurası ilbaşı Räcäp Tayyip Ärdoğan räislegendä cıyıldı.
Cıyılıştan soñ yasalğan belderüdä “PKK/PYD-YPG” terrorçıları yaw astındağı Süriyäneñ Mänbiç ilçäsennän çığarılmasa Törkiyäneñ iniśitiva kürsätäçäge belderelde.
“PKK/PYD-YPG” Amerika Quşma Ştatlarınıñ yaqlawı belän “DEAŞ” terror oyışması sıltawı belän töbäkkä 2016 nçı yılnıñ cäyendä kilep urnaştı.
AQŞ “DEAŞ” ciñelügä duçar bulğannan soñ “PKK/PYD-YPG”nıñ Mänbiçtän çığarılaçağı turında Törkiyägä küp tapqırlar wäğ’dä birsä dä terrorçılar haman da anda qala birä.
Milli iminlek şurası cıyılışında oyışmanıñ Ğıyraqtağı êşçänlekläreneñ Ğıyraq däwläte tarafınnan totqarlanuı kiräklege, yuğıysä Törkiyäneñ bu yünäleştä kereşü başqaraçağı citkerelde.
Greśiyäneñ yaxşı kürşe buluğa qarşı totışınıñ küzätep barıluı, Törkiyäneñ mänfäğät’lärennän taşlama yasamawı assızıqlandı.
