Törkiyä ğaskäre Afrinnıñ üzägenä kerä

Törkiyä ilbaşı Räcäp Tayyip Ärdoğan törek armiyäseneñ Süriyädä Afrin töbäge üzägenä kerergä cıyınuların xäbär itte. “Yaxşı hoqtağa kildek. Afrin üzägen qamap aldıq”,-dip belderde ul. İlbaşı bu cirlärne basıp alırğa teläwçelärdän çistartıp, çın xucalarına biräçäklären söyläde. Törkiyä Qorallı köçläre 815 qvadrat kilometrlı mäydannı imin xälgä kitergän. Bu san 2 meñgä citkäç, afrinlılarnı cirlärenä, üz öylärenä kire qaytaraçaqlar.   

“Terrorçı oyışmanıñ tınıç xalıqnı niçek qalqan itep qullanuların tağın ber tapqır kürdek,”- dide Ärdoğan. Ul YPG/PKKlılarnıñ balalarnı äti-äniläreneñ qarşında wäxşilärçä üterülären söyläde. “Ägär bez terrorçılarnı Afrinda dömektermäsäk, alar Törkiyägä kilep qırın ğamällären başqaraçaq. Bügen Afrinda bulsaq, irtägä Münbiçkä kererbez. Färat yılğasınıñ könçığışına, Ğıyraq çigenä qadär terrorçılardan çistartaçaqbız,”- dip belderde  Räcäp Tayyip Ärdoğan.