Xatın-qızlar dön’ya liderlarına däşte

Xatın-qızlar dön’ya liderların Süriyä mäs’äläsendä xäräkät itä başlarğa çaqırdı. İstanbuldan Xatayğa taba yulğa çıqqan “Vöcdan konvoyı” başqala Änkarağa kilep citte. Yözlärçä xatın-qız tönne Äxmät Xämdi Aksäki mäçetendä ütkärde. Yulçılıq 8nçe mart könne Xatayda tögällänäçäk. İrtänge säğat’lärdä çarada qatnaşuçılar jurnalistlar belän oçraştı. Alar dön’ya liderları belän êlemtägä kerer öçen delegaśiya oyıştıruların belderde. Şulay itep Süriyä rejimınıñ başında torğan Bäşşar Äsädkä yoğıntı yasaw mömkin buluına ışanalar. Maqsatları - rejim tarafınnan xaqsız räweştä törmälärgä atılğan häm anda cäber-zolım kürüçe xatın-qızlarnı irekkä çığaru.

"Vöcdan konvoyı" wäkilläre soñınnan ilbaşı Räcäp Tayyip Ärdoğan tarafınnan da qabul itelde.  

Çarağa 55 ildän törle dindäge, törle millättän meñnärçä xatın-qız teläktäşlek kürsätä.