Ömär Çäliktän Könçığış Guta turında belderü

Törkiyäneñ Awrupa Berlege ministrı Ömär Çälik Süriyädä rejimnıñ humanitar konvoyğa höcüm itüen tänqitläde (tänqıyt'läde). “Böten dönya Könçığış Gutadağı keşelek faciğası qarşında berläşkän şikelle toyıla. Ämma rejim humanitar konvoylarğa atudan da tartınmıy. Törkiyä Könçığış Gutadağı tınıç xalıqnı alırğa äzer buluın söylägändä dä däwlätneñ terrorçılıqqa qarşı köräşen tänqitläwçelär buldı. Alar Süriyä rejimınıñ keşelärne açıqtan-açıq küpläp  üterüen küzätü belän mäşğul’. “Rejim ximik qoral qullansa, moña qatği qarşı çığabız”,-diyüçelär bar. Alar rejimnıñ tınıç xalıqnı başqa qorallar belän üterüenä, xätta humanitar konvoylarğa bomba ırğıtuına tınıç qına qarap tora”,- dide Ömär Çälik.

Ministr, şulay uq, BMO sistemasınıñ, qarar almawı öçen tügel, qabul itkän qararlarınıñ keşe üterüçelärgä bernindi yoğıntı (y oğıntı) yasıy almağanı öçen, tarqaluın belderde. Anıñ äytüençä, xör dönyanıñ maqsatı – demokratiya häm xoquq mäs’äläsendäge qazanışlarnı saqlaw. “Ämma xäzer xör dönya ikele standartlar batqaqlığında üzeneñ yalğışları belän kümelä. BMO qararların cinayät’çelär çüpkä sanıy, “xör dönya” däşmiçä qarap tora”,-di ministr. Ul Süriyädäge keşelek faciğası qarşısındağı wäqalät suğışları, ikele standartlar häm xisap ğawğalarınıñ küptän Süriyä mäs’äläse çiklärennän çığuına basım yasadı. “Monnan soñ bu waqiğalar (waqıyğalar) barı tik Süriyä yäisä Urta Könçığışnıñ kiläçäge tügel, dönyanıñ yaqın kiläçäktä nindi bulaçağın kürsätä”, - di Ömär Çälik.