Ärdoğan belän Makron äñgämäse

Törkiyä ilbaşı Räcäp Tayyip Ärdoğan belän Franśiya prezidentı Êmmanuêl’ Makron  telefonnan söyläşte. Räsmi mäğ’lümatlarğa qarağanda, ike lider Süriyä xaqında fiker alıştı. Ayıruça, Könçığış Guta töbägendäge gumanitar krizis telgä alındı. İke ilbaşı da Berläşkän Millätlär İminlek şurasınıñ “atunı tuqtatu” qararın tormışqa aşıru yulında êşne qatğıylaştıru tarafında. Ärdoğan belän Makron Süriyä mäs’äläsendä ikeyaqlı söyläşülärne däwam itärgä kileşte.