Ärdoğan Senegalda
Ärdoğan Senegalnıñ Afrika qıytğasında iqtisadıy totrıqlılığı, demokratiyäse belän ürnäk däwlät buluın häm bu töbäktä iminlek öçen zur öleş kertüen bilgeläp ütte
Törkiyä ilbaşı Räcäp Tayyip Ärdoğan Fätxullaxçı terror oyışması FETÖğa qarşı köräştä Senegal belän xezmättäşlekneñ däwam itäçägen belderde. Bu xaqta Senegal prezidentı Makki Sall belän oçraşuda süz buldı. Soñınnan jurnalistlar qarşında çığış yasadılar. Ärdoğan Senegalnıñ Afrika qıytğasında iqtisadıy totrıqlılığı, demokratiyäse belän ürnäk däwlät buluın häm bu töbäktä iminlek öçen zur öleş kertüen bilgeläp ütte. “Senegal üzeneñ duslığın qara könebezdä – 15nçe iyül’dä (2016nçı yıldağı tüntäreleş omtılışı) isbatladı”,-dide Törkiyä ilbaşı.
Ärdoğan Senegalğa 2013nçe yılda xökümät räise bularaq barğan ide. Ul waqıtta alınğan qararlarnıñ tormışqa aşuına basım yasaldı.
Säyäsi bäyläneşlärneñ uñay baruı iqtisadqa da yoğıntı yasağan. Uzğan yıl tovar äyläneşe 250 million dollarğa yaqınlaşqan. Bu sannıñ tağın da artuı farazlana. Çönki Törkiyä delegaśiyäsendä 150läp êşmäkär dä bar.
Törkiyä-Afrika mönäsäbätläre 10nçı ğasırdan uq kilä. Ärdoğan beldergänçä, anıñ tarixında ber qara tap yuk.
Senegal ilbaşı Törkiyä qunağına qıymmätle büläk – “Senegalnıñ iñ yuğarı däwlät medalen” birde.
