Törkiyäneñ Stokgol’m ilçelegenä höcüm bula yazdı

Törkiyäneñ Şveśiyädäge ilçelegenä höcüm itärgä cıyınğan 2 keşe totıldı. Qırın êş tönge säğat’lärgä planlaştırılğan bulğan. Ämma Stokgol’m şähärendäge ilçelek binası yanında saqta toruçı şved poliśiyäse şöbhälelärne abaylap alğan. Alarnı poliśiya bülegenä alıp barıp tentilär. Sumkalarınnan sprey buyaw tabıla. Anı ilçelek binasının divarına şiğar’ yazu öçen qullanırğa cıyınğannar. Poliśiya şöbhälelärneñ kemlegen äytmi.

İke atna êlek bilgesez keşelär älege ilçelekneñ tuqtap torğan maşinasınıñ täräzäsen cimergän ide. Uzğan yıl isä 8 PKK taraftarı ilçelekkä taş häm şeşälär belän höcüm itte.