Ärdoğan- Sälman bin Abdülaziz Äl Suud söyläşüe

Törkiyä ilbaşı Räcäp Tayyip Ärdoğan Soğud Ğaräbstanı patşası Sälman bin Abdülaziz Äl Suud belän telefonnan söyläşte.

İlbaşı idaräse çığanaqları beldergänçä, söyläşüdä ike yaqlı mönäsäbätlär häm Süriyä mäs’äläse turında süz bardı.

Ärdoğan Törkiyäneñ Süriyäneñ Afrin töbägendä alıp barğan “Zäytün botağı” xäräkäte xaqında mäğ’lümat birde.

Ärdoğan häm Soğud Ğaräbstanı patşası Sälman Süriyäneñ cir bötenlegenä häm säyäsi çişeleşkä zur ähämiyät birülären ,bu mäs’älälärdä urtaq tırışlıq häm xezmättäşlekne arttırunıñ faydalı bulaçağına basım yasadı.

İke lider Törkiyä - Soğud Ğaräbstanı mönäsäbätlären tağın da nığıtu belän bäyle qatğıylıqnı assızıqladı.