İlbaşı Vatikanğa säfär yasıy
Söyläşü kön tärtibendäge töp mäs'älälär - Törkiyӓ-Vatikan mönӓsӓbӓtlӓre, Yerusalim belӓn bӓyle tӓräqqiyӓt’lӓr, regional’ problemalar, Süriyӓdӓge keşelek tragediyäse
Törkiyä ilbaşı Räcäp Tayyip Ärdoğan katoliklarnıñ ruxıy liderı Papa Franśisknıñ çaqıruı buyınça 4-5 fevral’ könnӓrendӓ Vatikanğa rӓsmi sӓfӓr yasıy.
Ӓrdoğannıñ Papa belӓn oçraşuında Törkiyӓ-Vatikan mönӓsӓbӓtlӓre, Yerusalim belӓn bӓyle tӓräqqiyӓt’lӓr, regional’ problemalar, Süriyӓdӓge keşelek tragediyäse, terrorçılıqqa, çit il keşelӓre hӓm İslamğa qarata doşmanlıq belӓn körӓş mӓs’ӓlӓlӓre qaralaçaq.
Törkiyä ilbaşı Vatikanğa sӓfӓrennӓn soñ Rimda İtaliya dӓwlӓt başlığı Sergio Mattarella belӓn aş mӓclesendӓ küreşep söyläşäçäk, İtaliya prem’yerı Paolo Gentilonine dӓ qabul itäçӓk.
Söylӓşülӓrdӓ Törkiyӓ belӓn İtaliya arasında sӓyӓsät, iq’tisad, saqlanu sӓnӓgӓte ölkӓlӓrendӓ ike yaqlı xezmӓttӓşlek mӓs’ӓlӓlӓre quzğatılaçaq, Süriyӓ, Ğiraq hӓm Liviyädӓge soñğı tӓraqqiyӓt’lӓr, Yerusalim, terrorçılıqqa qarşı körӓştä xezmättäşlek, Awrupa Berlege,Törkiyä –Awrupa Berlege mönäsäbätläre xaqında fiker alışılaçaq.