“Zäytün botağı” xäräkäte däwam itä
Xäräkät qıasında terror oyışmalarınıñ 340 maqsatı yuqqa çığarıldı, 394 terrorçı täêsirsez xälgä kiterelde
Törek Qorallı Köçläreneñ Afrinğa oyıştırğan “Zäytün botağı” xäräkäte qıasında “PKK/KCK/PYD-YPG” häm “DEAŞ” terror oyışması äğ’zası bulğan 394 terrorçı täêsirsez xälgä kiterelde.
Ğomum ştab beldergänçä, xäräkät başlanğan 20 nçı ğinwardan birle hawa köçläre oçqıçları terror oyışmalarınıñ 340 maqsatın yuqqa çığardı.
Älege maqsatlar arasında terror oyışmalarınñ sıyınu urınnarı, qoral nığıtmaları , suğış kiräk-yaraqları urın ala.
Bu xaqtağı belderüdä tınıç xalıqnıñ zıyan kürmäwe öçen tiyeşle çaralar kürelüe ,bu mäs’älädä bik iğ’tibarlı buluğa basım yasaldı.
Terror oyışmaları belän bäreleşlärdä 3 ğaskäri şähit buldı, 30 ğaskäri yaralandı.
Bäysez Süriyä armiyäsennän 13 keşe şähit buldı , 24 keşe yaralandı.
Ğomum ştab belderüendä “Zäytün botağı” xäräkäteneñ Törkiyäneñ xalıqara xoquqqa nigezlängän xaqları, Berläşkän Millätlär Oyışması iminlek şurasınıñ terrorğa qarşı köräş belän bäyle 1624 (2005), 2170 (2014) häm 2178 (2014) nomerlı qararları , BMO kileşüeneñ 51 nçe maddäsendä urın alğan legal’ saqlanu xoquqı qısasında Süriyäneñ cir bötenlegenä xörmät kürsätep başqarıluı da qabat urın aldı.
