Gomum Ştab açıqlawı
“Zäytün Botağı” xäräkäte qısalarında kimendä 343 terrorçı täêsirsez xälgä kiterelgän
Törkiyä Qorallı Köçläreneñ Süriyädäge Afrin töbägendä xalıqnı basım häm dähşättän qotqaru öçen başlağan “Zäytün Botağı” xäräkäte qısalarında kimendä 343 terrorçı täêsirsez xälgä kiterelgän.
Gomum Ştab açıklawında äytelgänçä, ğaskärlär çik buyında häm töbäktä iminlek häm totrıqlılıq urnaştıru maqsatınnan 20nçe ğıynvarda kiçke säğat’ 5tä Afrinda başlağan operaśiya planlaştırılğan şikelle däwam itä.
Açıqlawda, şulay uq, xäräkätneñ Törlkiyäneñ xalıqara xoquqta yazılğan xaqları, Berläşkän Millätlär İminlek şurasınıñ terrorçılıq belän bäyle qararları häm Berläşkän Millätlär Kileşüeneñ 51nçe maddäsendä urın alğan üz-üzeñne saqlaw xoquqı qısalarında Süriyäneñ cir bötenlegenä zarar birmiçä alıp barıluına basım yasaldı.
Xäräkätneñ planında häm tormışqa aşırıluında barı tik terrorçılarnıñ sıyınma urınnarı, tayanu noqtaları, qoral, maşina häm başqa kiräk-yaraqlarınıñ maqsat itep alınğan. Tınıç xalıq häm ğayepsezlär zarar kürmäsen öçen iğtibar häm töğällek kürsätelä, diyelgän açıqlawda.
Anda belderelgänçä, Hawa Köçläre tarafınnan tönlä otıştırılğan höcümnär näticäsendä terrorçılarnıñ sıyınu, suğış kiräk-yaraqları saqlaw urınnarı bulğan 23 noqta cimerelgän. Xäräkättä qatnaşqan 13 oçqıç isän-saw bazalarına äylänep qaytqan.
