Afrin qırlarında terrorçılar totqarlandı
“Zäytün botağı” xäräkätendä Törek qorallı köçläre häm İrekle Süriyä ğaskäre äğzaläre Afrin qırlarında 7 terrorçını totqarladı
Törek qorallı köçläreneñ Süriyäneñ Afrin töbägendä terrorçılarğa qarşı alıp barılğan “Zäytün botağı” xäräkätendä xäzergä çaqlı 303 terrorçı täêsirsez xälgä kiterelgän.
Törek qorallı köçlärennän yasalğan belderüdä xäräkätneñ 6nçı könendä 6 maqsat yuqqa çığarılğan.
Hatay çik buyında urnaşqan Törek qorallı köçläre berlekläre Afrinda bilgelängän terror oyışması nığıtmalarına irtänge säğätlärdän birle aralıqlar belän küp sanda gaubiśa häm tup atışların yasadı.
Xäräkät qısalarında Törek qorallı köçläre häm İrekle Süriyä ğaskäre äğzaläre tarafınnan Afrin qırlarında 7 terrorçı totqarlandı.
Räyhanlığa häm Hassağa alıp barılğan terrorçılardan öçese prośeduradan soñ çığarılğan mäxkämädä saq astına alındı. Başqa terrorçılarnıñ prośedurasınıñ däwam itelüe xäbär itelde.
Törek qorallı köçläreneñ belderüendä ayıruça xäräkätneñ Süriyäneñ cir bötenlegenä ixtiramlı räweştä alıp barıluına basım yasaldı.
