İbrahim Qalın: “Zäytün botağı” xäräkäte Süriyä kördlärenä qarşı tügel"
"Bez mondıy terrorçı oyışmasınıñ çiklärebez yanında töplänüenä häm däwlätçel bi qorılış tözüenä tüzep tora almıybız".
Törkiyä ilbaşı süzçese İbrahim Qalın “Zäytün botağı” xäräkäteneñ Süriyä kördlärenä tügel, kördlär isemennän eş alıp baruın söyläwçe terror oyışmasına qarşı ikänen assızıqladı.
Süzçe CNN International kanalınıñ Afrin belän bäyle sorawlarına cawap birde. Ul bu töbäktän Törkiyägä yaqınça 700 höcüm oçrağı buluın anlattı. “Bez mondıy terrorçı oyışmasınıñ çiklärebez yanında töplänüenä häm däwlätçel qorılış tözüenä tüzep tora almıybız”,-di İbrahim Qalın. Ul, şulay uq:”Törkiyä Amerika Quşma Ştatları belän berlektä êş itsä, strategik qazanışlarıbız tağın da kübräk bulır”,-dip belderä.
Qalın Amerika xökümäte yasarğa tiyeşle adımnıñ – soñğı 2 yılda PYD/YPGgä birgän böten qoralların kire alu dip sanıy. İke ölkä gaskärläreneñ ber-bersenä kerüe turında süz dä bula almawın söyläde süzçe.
Qalın Törkiyäneñ Süriyädä Rusiyä belän berlektä êş alıp baraçağın da yäşermäde.
