Millät häm däwlätneñ isänlege öçen

Törkiyäneñ ğadättän tış könnärdän uzuın belderüçe Bäkir Bozdağ çik buyında terror koridorı buldırılıp, iminlekneñ terror ğaskärenä tapşırılırğa telänüen xäterlätep: "Bu açıq räweştä milli iminlegebezgä yanaw. Törkiyä milläteneñ häm däwläteneñ isänlege öçen zur risk alunı zarur qılğan adımnarnı yasawdan taypılmayaçaq”, - dip äytte.

Bozdağ “DEAŞ” terror oyışması belän köräş sıltawı belän başqa ber terror oyışması “PKK/PYD” belän xezmättäşlekneñ qabul itelmäwçänlegen küp tapqırlar añlatıluına qaramastan yäşängän waqiğalar (waqıyğalar) aldında Törkiyäneñ monnan arı sabırlığınıñ soñğı çigenä citüen, zarur adımnarnı yasawda täwäkkäl buluın belderde.

Süriyäneñ Afrin töbägendäge Törkiyägä qarşı terror qorılışı mäs’äläsendä diplomatik böten kanallarnıñ sarıf itelüen añlatuçı Bozdağ terrorçılarğa täêmin itelgän qorallarnıñ kire alınuı kebek mäs’älälärdä birelgän süzlärneñ çınbarlıqta çağılmawın assızıqlap äytep uzdı.

Bozdağ, Amerika Quşma Ştatları citäkçelegenä tağın ber qat çaqıru yasalıp: ““PKK/PYD”dän yärdäm kire alınırğa, birelgän qorallar cıyılırğa, terror ğaskäre planınnan waz kiçelergä tiyeş”, - dip äytte.

Rusiyä häm Amerika Quşma Ştatları kebek illär belän kiñäşmälärneñ däwam itüen dä assızıqlawçı Bozdağ: "Fäqät milli iminlegebez öçen berkemnän dä röxsät almayaçaqbız, yasawıbız zarur adımnarnı atlap baraçaqbız”, - dip äytte.

Afrindağı terror qorılışına qarşı qayçan xäräkät iteläçäge turındağı sorawğa xökümät süzçese: "İlbaşı Räcäp Tayyip Ärdoğannıñ äytkäne kebek “ber tönne, kötmägändä”, - dip cawap birde.

Milli İminlek şurasınıñ 19nçı ğinwarda tämamlanaçaq ğadättän tış xälneñ tağın 3 ayğa ozınaytıluı täqdimeneñ Törkiyä Böyek Millät Mäclese ğomum şurasına tapşırıluı qararına kilenüen dä belderüçe Bozdağ bu barışnıñ watandaşlarnıñ könlek yäşäyeşenä yoğıntı yasamawın xäterlätte.