AQŞ belän viza krizisı xäl itelde

Amerika Quşma Ştatları viza mäs’äläsendä kire adım yasadı.

Amerika Quşma Ştatlarınıñ Änkara ilçelege viza mäs’äläsendä waqıt soraw çikläwen ğamäldän çığaruın belderde.

Amerika Quşma Ştatları 2016nçı yılnıñ 15nçe iyül’ könge tüntäreleş kereşüen yasağan “Fätullahçı” terror oyışması “FETÖ” belän bäyläneşe bilgelängän Amerika Quşma Ştatlarınıñ Törkiyädäge konsullığında êşläwçe Mätin Topuznıñ saq astına alınuınnan soñ 8nçe üktäbr’dä Törkiyädän yasalğan viza möräcäğätlären möddätsez räweştä tuñdırğan ide.

Törkiyä dä, bu qararğa şuşındıy uq räweşle cawap birep, Amerika Quşma Ştatlarına qarata viza êşlären tuñdıruın beldergän ide.

Yomşaw işaräte bularaq bäyälängän açıqlawlardan soñ Amerika Quşma Ştatlarınıñ Törkiyä ilçelege Törkiyä watandaşlarınıñ viza prośedurası öçen waqıt alu köneneñ iñ irtä 2019nçı yılnıñ ğinwar ayı buluın açıqlağan ide.

Amerika Quşma Ştatlarınıñ Änkara ilçelege mönäsäbätlärneñ viza xezmätläreneñ yañadan tulısınça başlatıluına citärle däräcädä yaxşıruına ışanuların citkerde.

Belgeçlär Amerika Quşma Ştatlarınıñ yasağan şuşı adımın Törkiyäne yuğaltu riskın alırğa telämäwe räweşendä bäyäli.

Amerika Quşma Ştatlarınıñ viza çikläwen beteräçägen açıqlawınnan soñ dollar da törek lirası aldında qimmäten yuğalta başladı.