"Yerusalimne Fӓlӓstin başqalası bularaq tanırğa çaqıram"

Törkiyӓ ilbaşı Ӓrdoğan dönyanı Yerusalimne Fӓlӓstin başqalası bularaq tanırğa çaqırdı.

İslam xezmӓttӓşlek oyışması Amerika Quşma Ştatları ilbaşı Donal’d Trampnıň 6 dekabr’ könne Yerusalimne İzrail başqalası bularaq tanu hӓm AQŞ ilçelegen Tel Avivdӓn Yerusalimğa küçerügӓ qarağan planın açıqlawınnan soň çirattağı rӓise Törkiyӓdӓ çirattantış cıyıldı.

Oçraşuda oyışmanıň çirattağı başlığı bularaq çığış yasağan Törkiyӓ ilbaşı Ӓrdoğan: “Bügen monda İslamnıň berençe qiblası hӓm Ӓl-Aqsa mӓçete şӓhӓre Yerusalimıbıznıň tarixi statusına yasalğan höcümne qarar öçen cıyıldıq,” – dide.

Çığışında 1947 yıldan bügengӓ qadӓr İzrail yawlawınıň yıllar uzğan sayın barlıq Fӓlӓstinne qamap aluın kartalarda kürsӓtep, aňlatqan Ӓrdoğan: “Bu şunı kürsӓtӓ: İzrail yawlaw dӓwlӓte. İzrail şul uq waqıtta terror dӓwlӓte. Yerusalimda bu borınğı şӓhӓr uramnarında berniçӓ minıt yörgӓn hӓrkem anıň yawlaw astında buluın aňlayaçaq,” – dide.

Ӓrdoğan: “10 yӓş’lek balalarnı terrorçı ğaskӓrilӓr qulğa ala hӓm timer çitlekkӓ yaba. Küzlӓren bӓyli, qıynıy. İkençe yaqta qız-bala, ӓnisen qoçaqlıy, annarı ӓnisen qıynıylar, balasın tartıp alalar. Bu yawlawçı bulmıyça, terrorçı bulmıyça kem bula soň?,” – dide.

AQŞ qararınıň bernindi xökeme bulmawın assızıqlağan ilbaşı BMO İminlek şurası 1980 yılda qabul itkӓn qararğa kürӓ bernindi ilneň Yerusalimda ilçelek urnaştıra almayacağın ӓytte.

Trampka reakŝiya beldergӓn Ӓrdoğan: “Min yasadım diyep kenӓ dönyada bernӓrsӓ dӓ üzgӓrmi. Dönya sezdӓn ğibarӓt tügel,”  dide.

Fӓlӓstinneň xalıqara kileşülӓrgӓ quşıluı barışınıň tizlӓtelüe zarurlığına basım yasağan ilbaşı tübӓndӓgeçӓ dӓwam itterde: “Yerusalimne Fӓlӓstin dӓwlӓteneň yawlaw astındağı başqalası bularaq tanırğa çaqıram.”