Bozdağ: “AQŞ qorallarnı kire alırğa tiyeş”

Bozdağ şäxsi ber televideniye kanalında yasağan açıqlawında İlbaşı Räcäp Tayyip Ärdoğan belän Amerika Quşma Ştatları İlbaşı Donal’d Trampnıñ comğa könge söyläşüen “borılış noqtası” bularaq bäyäläde.

Bozdağ Törkiyäneñ Trampnıñ bu oyışmağa artıq qoral birelmäwe süzlären küzätäçäklären belderep, monnan alda birelgän qorallarnıñ da kire alınuı zarurlığın äytte.

Xökümät süzçese: "Trampnın “qoral birmäyäçäkbez” açıqlawı bik möhim, ämma süzdä genä qalsa qimmäte yuq. Amerika Quşma Ştatlarınıñ birgän qoralların cıyıp aluı kiräk, süzlärneñ ütälüen küzätäçäkbez”, - dip äytte.

Bäkir Bozdağ Amerika Quşma Ştatların aldaw, İranğa qarşı qullanılğan çikläwlärne bozu, qara aqçanı aqlaw, qara aqça aqlaw öçen xäylä qoru häm AQŞ bankların aldaw gäyebe belän 75 yıl törmäse soralğan çığışı belän İrannan bulğan Törkiyä watandaşı Rıza Sarraf belän bäyle bularaq ta: "Sarraf dos’esı Törkiyägä tozaq. Sarraf aşa Törkiyägä tozaq qorıla”, - dip äytte.

Amerika Quşma Ştatlarında Sarrafnı xökem itüçelärgä: "Sezneñ  qulığızda Rıza Sarrafnı gäyepläwçe döres dälillär barmı, yuqmı? Bulsa, bu dälillärne sezgä kem kiterde?” – dip soraw birüçe Bozdağ xoquqi tayanıçtan mäxrüm bulğan bu däğwanıñ beterelüe zarurlığına basım yasadı.

Bozdağ bolay dip däwam itte:

"Sarraf AQŞqa kitteme, alıp barıldımı, ul da ayırım bäxäs teması. "Ägär bezneñ äytkän açıqlawlarıbıznıñ astına qul quysañ, şunda uq çığarsıñ”, - dip äytälär. Ägär qabul itmäsä, 35-40-150 yıl törle şäkellärdä cäzalar belän yanıylar."