İlbaşı Kuveytta
Ärdoğan bügen Kuveytta oçraşularda qatnaşa
Törkiyä ilbaşı Räcäp Tayyip Ärdoğan Kuveytta oçraşularda qatnaşa.
Ärdoğan bügen parlament başlığı Märzuk Äl Ghanim häm prem’yer-ministr Şäyh Cabir äl-Mübaräk äl-Hamad äs-Sabahnı qabul itte.
Oçraşular matbuğatqa yabıq uzdı.
Annan soñ Törkiyä ilbaşın Kuveyt ämire Şäyh äs-Sabah tantanalı räweştä qarşı aldı.
Räsmi qarşı alu tantanasınnan soñ üzara häm wäkilleklär arası söyläşülär ütkärelde.
Söyläşülärdän soñ Törkiyä ilbaşı häm Kuveyt ämire qatnaşında ike il arasında xezmättäşlek protokolları imzalandı.
Törkiyä ilbaşınıñ Kuveyt säfärendä ğomum ştab başlığı armiya generalı Hulusi Akar,ğadälät ministrı Abdulhamit Gül,tışqı êşlar ministrı Mävlüt Çavuşoğlu,iq’tisad ministrı Nihat Zäybäkci, ênergetika häm tabiği çığanaqlar ministrı Bärat Albayrak,yäş’lär häm sport ministrı Osman Aşkın Bak, azıq-tölek,igençelek häm terlekçelek ministrı Äxmät Äşräf Fakıbaba,mädäniyat häm turizm ministrı Numan Kurtulmuş, urman xucalığı häm su êşläre ministrı Väysäl Äroğlu, transport, diñgezçelek häm êlemtä ministrı Äxmät Arslan,küzläw oyışması kiñäşçese Hakan Fidan häm ilbaşı idaräse ğomum särqätip urınbasarı İbrahim Qalın da qatnaşa.
Törkiyä ilbaşı Räcäp Tayyip Ärdoğan Kuveyttağı oçraşuların tögällägännän soñ Katarğa kitäçäk.
