Viza möräcäğat’läre çikle bularaq qabul itelä

Törkiyäneñ Vaşingtondağı ilçelegennän yasalğan açıqlawda AQŞ citäkçelegeneñ bu yünäleştäge adımınnan soñ törek wäkillekläreneñ dä viza birü xezmätlären çikle räweştä qabat başlatuı belderelde.

Amerika Quşma Ştatları Änkaranıñ bu adımınnan alda Törkiyädäge diplomatik wäkilleklärendä viza möräcäğatlären çikle ülçäwdä qabat qabul itä başlawın açıqlağan ide.

Törkiyä tışqı êşlär ministrlığı çığanaqları isä Vaşington citäkçelegeneñ bu qararın premyer-ministr Binali Yıldırımnıñ 7nçe noyabr’ könne başlanaçaq AQŞ säfäre aldınnan uñay adım itep taswirlap, oxşaş närsäne başqara alaçağın citkergän ide.

İke il arasında viza krizisı uzğan ayda AQŞnıñ İstanbuldağı konsullığı xezmätkäreneñ Fätullahçı terror oyışması FETÖ belän bäyläneşe arqasında qulğa alınuınnan soñ çıqqan ide.

AQŞ citäkçelege 8nçe üktäbr’ könne Törkiyä watandaşlarınıñ viza möräcäğatlären tundırğan, Änkara qararğa cawap qaytarğan ide.