İlbaşı Azärbaycanğa säfär yasıy

Törkiyä ilbaşı Räcäp Tayyip Ärdoğan 30-31 nçe oktyabr’ könnärendä Azärbaycanğa säfär yasayaçaq.

İlbaşı idaräseneñ matbuğat üzäge beldergänçä, Ärdoğan Azärbaycan ilbaşı İlham Aliyev häm Gruziya prem’yer-ministrı Giorgi Kvirikaşvili belän regional’ proyekt bulğan Baqı- Tbilisi-Kars timer yulında 30 nçı oktyabr’dä poyezd säfärlären başlatu tantanasında qatnaşaçaq.

31 nçe oktyabr’dä isä Törkiyä häm Azärbaycan ilbaşları räislegendä yuğarı däräcäle strategik xezmättäşlek şurasınıñ 6 nçı cıyılışı uzaçaq.  

Cıyılışta bäyläneşle ministrlar da qatnaşaçaq ,ike yaqlı xezmättäşlek mäs’äläläre qaralaçaq.

Şulay uq Yuğarı Qarabax probleması häm regional,xalıqara täräqqiyät’lär dä kön tärtibendä bulaçaq.

Cıyılış qısasında ike il arasında xezmättäşlek kileşülärenä qul quyu da kötelä.