“Nigezdä böten dönya Törkiyäneň kiläçäge belän bäyläneşle”

 İspaniyanıň êlekke prem’yer-ministrı Jose Luis Rodriges Zapatero global’ totrıqlılıq häm tınıçlıq öçen Törkiyäneň ähämiyätenä basım yasadı.

İstanbulda uzuçı TRT World forumında “Barıbız da ber ük köymädä :humanitar krizislarnı çişü öçen regional’ xezmättäşlek” isemle maxsus utırış ütkärelde.

Älege utırışta Törkiyä tışqı êşlär ministrı Mävlüt Çavuşoğlu häm İspaniyanıň êlekke prem’yer-ministrı Jose Luis Rodriges Zapatero da qatnaştı.

Zapatero:”Kiläçäktäge täräqqiyät’lär qısasında böten dönyağa ürnäk bulğan ilgä kilü minem öçen zur ähämiyätkä iyä”,-dide.

Dönya külämendäge global’ problemalarğa tuqtaluçı Zapatero ,alarğa qarşı köraşü öçen qullarında citärlek säyäsätlär häm global’ idarä barışları bulmawın assızıqladı.

Zapatero Berläşkän Millätlär Oyışmasın nığıtu,köçäytü häm regional’ ittifaqlar buldıru kiräklegenä dä basım yasadı.

Bügenge köndä Yaqın Könçığışta küzätelgän problemalarnıň barı tik Törkiyä öçen genä tügel, dönyanıň global’ totrıqlılığı häm tınıçlığı öçen möhim buluın belderüçe Zapatero ,nigezdä böten dönyanıň Törkiyäneň kiläçäge belän bäyläneşle buluın assızıqladı.

Zapatero Törkiyä belän Awrupa Berlege arasındağı söyläşülärneň däwam itüe kiräklegenä ışanuın da citkerde.

İspaniyanıň êlekke prem’yer-ministrı Yaqın Könçığışta totrıqlılıq urnaştıru öçen terrorğa qarşı köräşü kiräklegen dä assızıqladı.