“Törkiyäneň alğa baruın totqarlaw öçen küp yaqlı pıçraq plan uylap çığarıldı”

 Törkiyä ilbaşı Räcäp Tayyip Ärdoğan köçle Törkiyäneň alğa baruın totqarlaw öçen küp yaqlı, küp aktyerlı pıçraq plan uylap çığarıluın belderde.

Ärdoğan ilbaşı idaräse sarayında ütkärelgän vilayät’ başlıqları cıyılışında Amerika Quşma Ştatları belän viza kiyerenkelegenä tuqtalıp Vaşington citäkçelegenä kisken yullamalar yasadı.

Ärdoğan:”AQŞnıň Törkiyä kebek strategik partnyerın üz-üzen beleştermäwçe  tulı wäqalätle ilçegä almaştıruın berniçek tä qabul itep bulmıy”,-dide.

İlbaşı:” Törkiyä viza möräcäğät’lären tuňdıru qararı belän watandaşlarına qarata yasalğan xaqsız adımnarğa cawap qaytaru priňsibına kürä xäräkät itte. Bez qabilä däwläte tügel”,-dide.

Ärdoğan Törkiyäneň könyaq çige buylap terror koridorı buldırırğa tırışu maqsatınıň “DEAŞ” qa qarşı köräş bulmawın belderep “Bezne beräw dä aldamasın. Terror koridorı barı tik Törkiyäne çolğap aluğa yünälgän”dide.