"Ğiraq probleması berençe matdӓ buldı"

Törkiyӓ ilbaşı Ӓrdoğan Ğiraq körd regional’ citӓkçelegendӓ ütkӓrelgӓn qanunsız referendumnı barı tik İzrailneň genӓ tanuın belderep: “İzrailneň yӓşeren xezmӓte MOSSAD belӓn östӓl artına utırıp, qabul itelgӓn qarar legal’ bula almas,” – dide.

Rӓsmi sӓfӓr belӓn İran başqalası Tӓhranğa kitkӓn Törkiyӓ ilbaşı xezmӓttӓşe Xӓsӓn Ruxani belӓn üzara hӓm wӓkilleklӓrara söylӓşülӓrennӓn soň oyıştırılğan matbuğat oçraşuında çığış yasadı.

Ruxani belӓn ütkӓrelgӓn söylӓşülӓr turında mӓğlümat birgӓn Ӓrdoğan: “Regional’ problemalar kön tӓrtibebezdӓ. Ğiraq probleması berençe matdӓ buldı,” – dide.

Süriyӓdӓ dӓ Törkiyӓ, İran hӓm Rusiyӓ bularaq Astana barışı qısalarında bilgelӓngӓn bӓreleşsez töbӓklӓrgӓ zur ӓhӓmiyӓt birülӓren citkergӓn ilbaşı İran belӓn ike yaqlı mönӓsӓbӓtlӓr mӓs’ӓlӓsendӓ dӓ mӓğlümat birde.

İran dӓwlӓt başlığı Ruxani da söylӓşülӓrneň uňışlı uzuın belderep, töp maqsatnıň töbӓktӓ tınıçlıq hӓm totrıqlılıqnı urnaştıru buluın assızıqlap, Ğiraq hӓm Süriyӓneň cir bötenlege yaqlı buluların tağın ber qat açıqladı.

İleneň Törkiyӓdӓ investiŝiya kertergӓ ӓzer buluın beldergӓn Ruxani üzlӓreneň dӓ törek investorlarına kirӓkle xuplawnı kürsӓtӓçӓklӓren citkerde.

İke il arasında ênergetika belӓn ber rӓttӓn şaqtıy ölkӓdӓ ber törkem kileşü dӓ imzalandı.