Törkiyäneñ M’yanma belderüe
Törkiyä M’yanmada 25nçe avgust tönendä yäşängän höcümnärdän soñ qullanılğan çamasız köçne gäyepläde
Tışqı êşlär ministrlığınnan yasalğan belderüdä, M’yanmanıñ Rakhayn vilayätendä 25nçe avgust tönendä barlıqqa kilgän höcümnärdän soñ iminlek köçläre operaśiyäläreneñ citdi humanitar krizisqa säbäp birüennän tirän borçılu toyıluı assızıqlanıp, çamasız köç qullanuınıñ gäyeplänüe äytelde.
Belderüdä: "Bu mäs’älädäge borçılularıbız M’yanma xakimiyätenä citkerelde. Operaśiyälärdä tınıç xalıqnıñ zarar kürmäwneñ, tuğan cirsez qalğan keşelärneñ xasil bulmawnıñ, töbäkkä humanitar yärdämneñ tuqtawsız räweştä täêmin itelüeneñ ähämiyätenä basım yasaldı”, - dip belderelde.
M’yanmadan Bangladeşka uzarğa tırışqan rohingalarğa kiräkle ciñellekneñ tudırıluına qağılışlı kötelgännär häm bu mäs’älädäge yärdäm täqdimeneñ Bangladeş xakimiyätenä citkerelüe assızıqlanğan belderüdä: "İslam xezmättäşlek oyışması ğomum särkätibe belän küreşelep, oyışmanıñ tiz arada êşçänlek başqaruı teläge telgä alındı. İslam xezmättäşlek oyışmasınıñ başqarma komitetı äğzase illär däräcäsendä dä iniśiativa başqarıla”, - dip äytelde.
