Fälästinneñ İstanbul konsullığı açıldı
Törkiyä Tışqı êşlär ministrı Mäwlüt Çavuşoğlu Fälästin xezmättäşe Riad Al Maliki belän Fälästinneñ İstanbul baş konsullığınıñ Äyüptäge açılış tantanasında qatnaştı
Mäwlüt Çavuşoğlu Fälästin mäs’äläseneñ çişeleşe öçen İzrailneñ kileşü yaqlı totışın kürsätüeneñ zarurlığın belderde.
Çavuşoğlu: "İke däwlätle çişeleş, bäysez Fälästin däwläte, 1967nçe yıldan êlekke çiklärgä qaytıluı häm Könçığış Qudüs-Yerusalimneñ Fälästin başqalası buluı, Fälästin bu qısada dialoğqa häm çişeleşkä äzer buluın beläbez, şuşındıy uq añlayışnı İzrailneñ kürsätüe kiräk”, - dip äytte.
Fälästin Tışqı êşlär ministrı Riad Al Maliki da: "Törkiyäneñ Fälästinneñ xaqlı däğwasına kürsätkän yaqlawğa räxmät burıçlıbız”, - dip assızıqladı.
Fälästin Tışqı êşlär ministrı: "İslam xezmättäşlek oyışması qısalarında İslam dönyasın Qudüs-Yerusalimdäge Al-Aqsa mäçetendäge möêminnärgä yärdäm kürsätüe öçen xäräkätländerergä tırıştıq. Xäzer inde İstanbul baş konsullığıbıznıñ açılışı öçen biredä bez. Bu da ike il arasındağı xosusıy häm üseş alğan mönäsäbätlärneñ kürsätkeçe. İstanbulda bügen Fälästin maxsus köne”, - dip äytte.
Açılışta Fälästinneñ Änkara tulı wäqalätle ilçese Fuad Mustafa, Fälästinneñ İstanbul baş konsulı Abdulkärim Äl Xatıyp, İstanbulda yäşäwçe fälästinlelär belän şaqtıy ilneñ İstanbuldağı missiya citäkçeläre qatnaştı.
