“Törkiyä yärdämgä äzer”

Törkiyä ilbaşı Räcäp Tayyip Ärdoğan Ğaräp yarımutrawında Katar belän bäyle kiyerenkelekkä çişeleş tabu maqsatı belän başlatqan telefon diplomatiyäsen kiçä dä däwam itterde.

İlbaşı idaräse çığanaqları beldergänçä, Ärdoğan bu qısada Franśiya ilbaşı Êmmanuel Makron, İndoneziya däwlät başlığı Joko Widodo,Baxreyn patşası Hamad bin İsa Äl Halifä,Yordaniya patşası Abdullah 2 nçe, Livan prem’yer-ministrı Saad Hariri häm Malayziya prem’yer-ministrı Näcip Tun Abdürräzzak belän bu xaqta telefonnan söyläşte.

Söyläşülärdä töbäk mäs’älälären dialog häm diplomatiya yulı belän çişelüe kiräklegen beldergän Ärdoğan kiyerenkelekne kimetü öçen Törkiyäneñ yärdämgä äzer buluın citkerde.

Törkiyä ilbaşı uzğan könne dä bu mäs’älä belän bäyle Katar ämire, Rusiya Federaśiyäse däwlät başlığı, Kuveyt ämire häm Soğud Ğaräbstanı patşası belän telefonnan söyläşülär ütkärgän ide.