İlbaşı Hindıstanda

Törkiyä ilbaşı Räcäp Tayyip Ärdoğan Hindıstanda oçraşularda qatnaşa.

Ärdoğan başqala Yaňa Dählidä ilneň tanılğan şirkätläreneň citäkçeläre belän oçraştı.

Matbuğatqa yabıq uzğan oçraşuda Törkiyä tışqı êşlär ministrı Mävlüt Çavuşoğlu, iqtisad ministrı Nihat Zäybäkci, ênergetika häm tabiği çığanaqlar ministrı Bärat Albayrak, mädäniyat häm turizm ministrı Nabi Avcı belän transport, diňgezçelek häm êlemtä ministrı Äxmät Arslan qatnaştı.

İlbaşı Ärdoğan Törkiyä – Hindıstan Êş forumında qatnaşıp çığış yasadı.

Ärdoğan üz çığışında “Hindıstan belän mönäsäbätlärebezne üsterü öçen kiräkle barlıq adımnarnı yasawda qatğıybız”dide.

Törkiyä ilbaşı säfär qısasında Hindıstan prem’yer-ministrı Narendra Modi belän dä küreşep söyläşäçäk.

Wäkilleklär arası söyläşülärdän soň kileşülärgä qul quylaçaq.

Jamia Millia İslam universitetında Törkiyä ilbaşına Maqtawlı doktor iseme bireläçäk.