Milli İminlek häm Ministrlar şurası cıyıla

Referendumnan soñ berençe Ministrlar Şurası cıyılışı düşämbe könne kiçen Bäştäpädäge İlbaşı qolliyäsendä ütkärelä.

Ministrlar Şurası cıyılışı aldınnan Milli İminlek şurası cıyıla.

Säğät 19:30da İlbaşı Räcäp Tayyip Ärdoğan räislegendä başlanaçaq Milli İminlek şurası cıyılışınıñ kön tärtibendä ğadättän tış xälneñ ozınaytıluı mäs’äläse bar.

İkençe tapqır tağın 3 ayğa ozınaytılğan ğadättän tış xäl waqıtı 19nçı aprel’dä betä.

Milli İminlek şurasınnan soñ şulay uq İlbaşı Ärdoğan räislegendä säğät 20:30da Ministrlar Şurası cıyıla.

İlbaşı häm xökümät äğzaläre cıyılışta häm Milli İminlek şurası qabul itkän kiñäş qararların, häm dä referendum näticälären bäyäläyäçäk.

Näticälär töbäklärgä häm vilayätlärgä qarap täfsille räweştä qarap çığılaçaq. 

Sistemağa kertelgän üzgäreş qısalarında Törkiyä Böyek Millät Mäclesenä cibäreläçäk ahäñ qanunnarı da quzğatılaçaq.